RedeVerde Pontevedra: Unha cidade que respira natureza
RedeVerde é o proxecto co que o Concello de Pontevedra impulsa unha nova etapa de transformación urbana baseada na renaturalización e na infraestrutura verde.
O seu obxectivo é integrar a natureza no corazón da cidade para mellorar a biodiversidade, aumentar a resiliencia fronte ao cambio climático e incrementar a calidade de vida da cidadanía.
Un modelo urbano máis verde e máis saudable
Pontevedra aposta por unha evolución sostible do seu modelo urbano, incorporando solucións baseadas na natureza que permitan:
-
Recuperar antigas áreas naturais degradadas polo proceso urbanizador.
-
Mellorar a conectividade entre espazos verdes e azuis.
-
Regular a temperatura e a auga da cidade mediante sistemas ecolóxicos.
-
Crear novos hábitats e fortalecer os servizos ecosistémicos.
RedeVerde é, en definitiva, un proxecto para vivir mellor, convivindo coa natureza.
Cinco espazos, cinco actuacións
Río Gafos
Recuperación e restauración ecolóxica do tramo urbano soterrado, devolvéndolle á cidade un río vivo e integrando un bosque de ribeira no corazón urbano.
Recinto Feiral Pazo da Cultura
Creación de xardíns de chuvia e sistemas de drenaxe sostible para mellorar a xestión da auga, reducir a calor e incrementar a permeabilidade urbana.
Parque María Vinyals e rúa do Forno
Mellora ecolóxica e paisaxística para favorecer a presenza de especies autóctonas e polinizadores.
Marisma do Alba
Restauración dun espazo natural de alto valor ambiental, con eliminación de especies invasoras e recuperación de hábitats para a fauna local.
Cuberta verde do Pazo da Cultura
Instalación dunha cuberta vexetal que reducirá a pegada de carbono, mellorará a eficiencia enerxética e reforzará a conectividade ecolóxica do conxunto urbano.
Estratexia Local de Infraestrutura Verde
RedeVerde inclúe a elaboración da Estratexia Local de Infraestrutura Verde e Resiliencia Urbana de Pontevedra, dirixida pola Universidade da Coruña en colaboración co Concello.
Este documento definirá as áreas núcleo, corredores ecolóxicos e zonas multifuncionais que conformarán a rede verde municipal, así como o seu Plan de Acción e o visor cartográfico participativo aberto á cidadanía.
Participa na elaboración da Estratexia!
As achegas que realice resultarán imprescindíbeis para a axeitada definición e implementación da estratexia a desenvolver nos próximos anos.
Esta consulta é totalmente anónima, polo que non é necesario que aporte datos persoais identificativos, aínda que se solicita información sociodemográfica para as análises estadísticas dos resultados. Todas as súas respostas están protexidas polas Leis sobre o Segredo Estatístico e Protección de Datos Persoais, de acordo cos termos da Lei Orgánica 15/1999, de 13 de decembro, de Protección de Datos de Carácter Persoal.
Participación e coñecemento
A natureza tamén se constrúe entre todas e todos
RedeVerde incorpora unha forte dimensión social a través do Consello Verde Urbano, que actúa como foro de diálogo e participación ambiental.
Ademais, o programa desenvolve actividades divulgativas como:
| Lun | Mar | Mér | Xov | Ven | Sáb | Dom |
|---|---|---|---|---|---|---|
|
2
|
3
|
4
|
5
|
6
|
7
| |
|
8
|
9
|
10
|
11
|
12
|
13
|
14
|
|
15
|
16
|
17
|
19
|
20
|
21
| |
|
22
|
23
|
24
|
25
|
26
|
27
|
28
|
|
29
|
30
|
31
|
1
|
2
|
3
|
4
|
Un proxecto europeo de futuro
RedeVerde é un proxecto promovido polo Concello de Pontevedra coa colaboración da Universidade da Coruña (UDC), co apoio da Fundación Biodiversidad do Ministerio para a Transición Ecolóxica e o Reto Demográfico (MITECO), no marco do Plan de Recuperación, Transformación e Resiliencia, financiado pola Unión Europea – NextGenerationEU.
